Atomuur

Zur Navigation springen Zur Suche springen
D Caesium-Atomuur „CS 4“ in dr Füsikalisch-Technische Bundesaastalt z Braunschweig isch 1992 in Bedriib gno worde. Sit 2005 isch si en Exponat im Braunschweigische Landesmuseum.

En Atomuur isch en Uur, wo dr Zittakt von ere us dr charakteristische Frekwänz vo Straaligsübergäng vo de Elektrone vo freie Atom abgläitet wird. D Zitaazäig von ere Referänzuur wird die ganz Zit mit em Taktgääber vergliche und aabasst. Atomuure sin zur Zit die genauste Uure und mä söit ene au primäri Uure[1].

Us de Mässwärt vo mee as 260 Atomuure an mee as 60 Instidut, wo uf dr ganze Wält verdäilt si, läit s Bureau International des Poids et Mesures (BIPM) z Bariis die Internazionali Atomzit (TAI)[2] as Referänzzit fest.

D Grundlaage für d Atomuur si vom amerikanische Füsiker Isidor Isaac Rabi an dr Columbia University entwigglet worde. Er het drfür 1944 dr Nobelbriis für Füsik überchoo.[3] En andere Nobelbriis im Zämmehang mit Atomuure isch 1989 an dr amerikanisch Füsiker Norman Ramsey gange für d Verbesserig vo dr Mässtechnik bi atomare Energii-Übergäng.

Litratuur

  • C. Audoin und J. Vanier: Atomic frequency standards and clocks. Journal of Physics E: Scientific Instruments, 1976.
  • Rexmond D. Cochrane: Measures for Progress: A History of the National Bureau of Standards. U.S. Department of Commerce, Washington D. C. 1966.

Weblingg

 Commons: Atomuhr – Sammlig vo Multimediadateie


Fuessnoote

  1. Die primären Atomuhren CS1, CS2 und CS3 der PTB. Arbeitsgruppe 4.41 der PTB. 2003. Abgrüeft am 13. Dezember 2010.
  2. International Atomic Time (en) BIPM. Abgrüeft am 12. Dezember 2010.
  3. Fritz von Osterhausen: Callweys Uhrenlexikon. Callwey, München 1999, ISBN 978-3766713537. S. 24
Information icon.svg Dä Artikel basiert uff ere fräie Übersetzig vum Artikel „Atomuhr“ vu de dütsche Wikipedia.

E Liste vu de Autore un Versione isch do z finde.

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.