Peter Hauk

Zur Navigation springen Zur Suche springen
dr Peter Hauk, 2013

Dr Peter Hauk (* 24. Dezämber 1960 z Walldürn) isch e dytsche Bolitiker (CDU). Är isch syter anne 1992 Mitglid im Landdag vu Bade-Wirttebärg un dert dr Erscht Stellverdrättend FRaktionsvorsitzer vu dr CDU. Vu 2005 bis 2010 isch er Landesminischter fir Ernehrig un Ländlige Ruum gsii. Syt dr Landdagswahl 2011, bis zue dr Wahl vum Guido Wolf im Jänner 2015, Fraktionsvorsitzer un dodermit Oppositionsfierer Oppositionsführer im bade-wirttebärgische Landdag gsii. Syt Mai 2016 isch er im Kabinett Kretschmann II wider Minischter fir Ländlige Ruum.

Uusbildig un Beruef

Dr Peter Hauk isch z Rippberg im Odewald ufgwachsen un het 1980 s Abitur am Karl-Ernst-Gymnasium Amorbach gmacht. Noch em Grundwehrdienscht bi dr Panzergrenadier z Munster un z Düre het er an dr Universitete Friburg Forschtwisseschaft studiert un as Diplom-Forschtwirt abgschlosse.

Derno isch er Wisseschaftlige Mitarbaiter bi dr Forschtlige Versuechs- un Forschigsaastalt Friburg im Berych Landespfläg gsii. Noch em Referendariat bi dr Landesforschtverwaltig Bade-Wirttebärg z Gundelse, Stuegert un z Kinzelse het er anne 1989 di Groß Forschtli Staatspriefig abglait. 1989 bis 1991 het er as Forschtyyrichter bi dr Forschtdirektion Friburg z Lohr un z Staufe gschafft. Bis 1999 isch dr Hauk stellverdrättende Laiter vum Forschtamt Schendl (Jagscht) gsii. Vu 1999 bis 2001 isch er Projäktlaiter bi dr Forschtlige Versuechs- un Forschigsaastalt un vu 2001 bis 2005 Laiter vum Forschtamt Alleze gsii. Är het su au as Vorsitzer vu dr Arbetsgmainschaft Ländligi Erwachsenebildig Bade-Wirttebärg (ALEB) engaschiert.

Bolitik

Bartei

dr Hauk uf em Landesbarteidag vu dr CDU Bade-Wirttebärg 2015

Vu 1985 bis 1989 isch dr Hauk Vorsitzer vu dr Jungen Union Düre gsii, vu 1987 bis 1995 Chraisvorsitzer vu dr JU Necker-Odewald-Chrais un vu 1987 bis 1991 Mitglid im JU-Bezirksvorstand. Dr Peter Hauk isch Mitglid im Vorstand vu dr CDU Necker-Odewald-Chrais un vu dr CDU Nordbade. Vu 1993 isch er stellverdrättende Bezirksvorsitzer vu dr CDU Nordbade gsii un syt 2013 isch er Vorsitzer vu dr CDU Nordbade. Vu 1984 bis 1988 isch er Mitglid im Ortschaftsrot z Rippberg gsii un vu 1999 bis 2004 isch er im Chraisdag ghockt. Syter anne 2010 isch er Mitglid im Landesvorstand vu dr CDU Bade-Wirttebärg.

Landdag un Landesregierig

Dr Peter Hauk isch syter anner 1992 Mitglid vum Landdag vu Bade-Wirttebärg. Noch dr Landdagswahl 1996 isch dr Hauk Vorsitzer vum Arbetschraios Ländlige Ruum un Landwirtschaft vu dr CDU-Fraktion wore. 1998 isch er stellverdrättende Fraktionsvorsitzer mit dr Gschäftsberych Umwält/Verchehr un Ländlige Ruum/Landwirtschaft wore. Glychzytig isch er au barlemäntarischr Gschäftsfierer vu dr CDU-Fraktion im Landdag vu Bade-Wirttebärg gsii.

Dr Hauk isch syter anne 1992 alliwyl iber s Diräktmandat im Wahlchrais 38 Necker-Odewald in dr Landdag yyzoge. Bi dr Landdagswahl 2011 het er do 48,4 Brozänt vu dr Stimmen iberchuu, balz eh Brozäntpunkt iber em Landesdurschnitt.

Vu April 2005 bis Februar 2010 isch dr Peter Hauk Minischter fir Ernehrig un Ländlige Ruum gsii Wu dr Günther Oettinger 2005 dr Vorsitz vu dr CDU-Landtagsfraktion ufgee het go Minischterbresidänt z wäre, het si dr Hauk as Wunschkandidat vum Oettinger um des Amt beworbe, isch aber in erer Kampfabstimmig em Stefan Mappus unterläge. Wu dr Mappus Minischterbresidänt woren isch, isch dr Hauk am 10. Februar 2010 mit 43 vu 69 Stimme vu dr CDU-Abgordnete zum Vorsitzer vu dr CDU-Fraktion im Landdag gwehlt wore. No dr Landdagswahl 2011 isch dr Hauk in däm Amt bstetigt wore un het dur dr Regioerigswächsel dodermit d Roll vum Oppositionsfierer ibernuu.

Anderi Ämter

Bis Ändi 2007 isch dr Peter Hauk Mitglid im Verwaltigsrot vu dr Landwirtschaftlige Räntebank gsii. Är isch Vorsitzer vum Stiftigsrot vu dr Landesbank Bade-Wirttebärg, Mitglid vum Ufsichtsrot vu dr Bade-Wirttebärgische Bank un Mitglid vum Byrot vu dr L-Bank.

Familie un Privats

Dr Peter Hauk het zwai Chinder un wohnt in dr Stadt Alleze. Är isch syt 1981 Mitglid vu dr katholische Studänteverbindig K.D.St.V. Wildenstein Friburg im Brisgau im CV un ehrenamtlige Organischt im Osterburkener Dailort Hemsbach.

Weblink

 Commons: Peter Hauk – Sammlig vo Multimediadateie

Fueßnote


Information icon.svg Dä Artikel basiert uff ere fräie Übersetzig vu dere Version vum Artikel „Peter_Hauk“ vu de dütsche Wikipedia.

E Liste vu de Autore un Versione isch do z finde.

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.