Siibeschleefer

Hops zue: Navigation, Suech
D Siibeschleeferheeli bi Ephesus, Türkei

Dr Siibeschleefer isch am 27. Juni. Är isch e Gedänkdaag fir di Siibe Schleefer vu Ephesus un e Loosdaag fir Buurereegle. Mit em Chnaager Siibeschleefer bstoot kai Zämmehang

Legänd

Syy Namme het dr Siibeschleefer vun ere alte Legänd: Siibe jungi Chrischte heebe in dr Zyt vu dr Chrischteverfolgige unter em reemische Chaiser Decius (249–251) Zueflucht gsuecht in ere Heeli bi Ephesus. Si seie entdeckt un lääbig yygmuurt woore. No däre Legänd seie si aber nit gstorbe, si heebe 195 Joor gschloofe. Am 27. Juni 446 seie si zuefellig entdeckt woore, seie verwacht, heebe dr Glaube an d Uferstehig vu dr Doote bezygt un seie bal derno gstoorbe.

Die Legänd wird zem eerschte Mool im 6. Joorhundert schriftlig feschtghalte, dr Gregor vu Tours (538–594) het si zem eerschte Mool in s Latyynisch ibersetzt. S git au verschiideni syrischi un griechischi Variante. Au im Koran (Sure 18, „D Heeli“) wird e Variante vu däre Gschiicht verzellt.

Buurereeegle

No Buurereegle zaigt s Wätter am Siibeschleefer s Wätter fir di negschte siibe Wuche aa.

Weblink

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.