Waldighofen

Hops zue: Navigation, Suech
Wàldighoffe
 Grand Est
Peter-un-Paul-Chilche.jpg
D'Peter-un-Paul-Kírech z'Waldighofe
Blason de la ville de Waldighofen (68).svg
Verwàltung
Land  Frànkrich
Region  Grand Est
Département Haut-Rhin (68)
Arrondissement Altkirch
Kànton Àltkìrech
Kommünàlverbànd Ill et Gersbach
Àmtliga Nàma Waldighofen
Maire Jean-Claude Schielin (2014-2020)[1]
Code Insee 68355
Poschtlaitzàhl 68640
Iiwohner
Iiwohner 1.530
Flech 4,14 km2
Bevelkerungsdicht 369,57 Iiw./km2
Làg
Koordinate 47° 33′ 03″ N, 7° 19′ 00″ E / 47.550833333333°N,7.3166666666667°E / 47.550833333333; 7.3166666666667Koordinate: 47° 33′ 03″ N, 7° 19′ 00″ E / 47.550833333333°N,7.3166666666667°E / 47.550833333333; 7.3166666666667
Heche 400 m
Wàldighoffe hemen kokatua: Frànkrich
Wàldighoffe
Wàldighoffe
Wàldighoffe (Frànkrich)
Website
http://www.waldighoffen.com

Wàldighoffe (IPA: [ˈʋɑld̥ig̊hofə]; ditsch un franzesisch offiziell: Waldighofen[2], franzesisch aü: Waldighoffen) ìsch e frànzeesche Gmein ìm Arrondissement Altkirch (Kanton Àltkìrech) ìm Owerelsàss (Haut-Rhin) im Sundgaü, 25 Killemetter eschtlig vu Basel. S lit zwische 342 un 446 Metter iber em Meer un het 1999 fascht 1200 Iiwohner gha.

Geografi

Wàldighoffe lit im Sundgaü, 14 Kilometer sideschtlig vu Àltkìrech. Nochbergmeine vun Wàldighoffe sìn Oberdorf im Norde, Staiselz im Oschte, Roppezwiller im Side un Rieschbi im Weschte.

Gschicht

Wàldighoffe ìsch zem erschte Mol gnannt worre ànne 1188 as Waltenchoven (1315 Waltikouen).

D Härkumpft vum Ortsnamme isch umstritte. Ei Asicht isch, ass dä Namme vu "Waldingen" kunnt - dämno wär er d Bezeichnig vum e erschte alamannische Siidligskern - "Waldo" wär do dr Namme vum e alamannische Sippefiährer. No däre Meinig wär "-hofen" erscht speter an dr Namme kumme - Wàldighoffe dät drno heiße: "d Hef vu Waldinge".

E anderi Meinig sait, ass Wàldighoffe ebis mit eme Dinghof z due het - e Hof, wu Abgobe fir d Herschaft hän miäße ani brocht wäre. Eso e Hof isch bis ins 16. Johrhundert bedriibe wore.

Kirch

Wàldighoffe isch draditionäll e katholischi Ortschaft; dr eltescht Deil vu dr Kich isch üs em 15. Johrhundert. 1905 isch am Blatz vu dr alte Kapälle e großi neiji Kirch boije wore; d alt Kapälle isch jetze e Sitteschiff vu dr neije Kirch - si isch 1923 fertig gsii un het kenne gwicht wäre. D Kirchepatron sin dr St. Peter un dr St. Paül.

Bevelkerungsentwicklung

Johr 1962 1968 1975 1982 1990 1999 2007
Iiwohner 936 967 1039 1017 1048 1178 1412

Verwàltung

Dr Maire vu Wàldighoffe isch dr Jean-Claude Schielin. Wàldighoffe ghert zum Kommünalverband Ill et Gersbach.

Nathan Katz

Am 24. 12. 1892 isch dr alemannisch Dichter Nathan Katz z Wàldighoffe uf d Wält kumme. Dr het in däm Dorf si Kindheit un Jugend verbrocht un het sich do siner Läbdig drheim gfiählt. Waldighoffe haltet hit no s Adänke an dr Nathan Katz wach. Bin Schuel- un Sportzäntrum isch e kurzi Stroß noch däm Dichter benännt, derte stoht aü e Dänkmol (Kopf) vu däm Dichter. Am Geburtshüüs, wun er aü sini erschte Kindheitsjohr verbrocht het, isch e Gedänkschild. D Metzg vu sinem Vatter exischtiärt nimmi in dr ürspringlige Form.

Zweisprochigs Stroßeschild
Im Nathan Katz si Geburtshüüs

Verkehr

Ab 1915 het z Wàldighoffe d Bahnlinie Wàldighoffe–Saint-Louis-la-Chaussée aagfange, wu 1960 stillglait wore isch.

Dialekt

Dr elsassisch Dialekt vun Wàldighoffe ghert zum Hochalemannisch.

Weblink

 Commons: Waldighofen – Sammlig vo Multimediadateie

Referanza

  1. (frànzeesch) Liste des maires au 25 avril 2014 (data.gouv.fr)
  2. Institut National de la Statistique et des Études Économiques: Code Officiel Géographique 2006


The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.