Gpedia:Profil

Hops zue: Navigation, Suech

Di Alemannisch Gpedia – e alemannischsprochigi Enzyklopedi mit Informatione iber Alemannisch un Informatione uf Alemannisch.

„Stell der e Wält vor, wu e jede einzelne Mänsch freje Aadeil an dr Gsamtheit vum Wisse het. Des isch unser Ziil.“

Jimmy Wales
ne Matte voll mit Wildblueme

D Gpedia isch e choschtelosi Online-Enzyklopedi vu dr Wikimedia Foundation, ere gmeinnitzige Stiftig, wu z San Francisco deheim isch. Mittlerwyli git s d Gpedia in 280 Sproche, eini dervu isch Alemannisch.


Di alemannisch Gpedia isch e Enzyklopedi, wu in alleni Dialäktspiilarte vum alemannische Sprochruum gschribe wird. Des Projäkt bringt Mänsche häne wie däne vu dr Gränze zämme, us dr Dütschschwyz, us Sidweschtdytschland, em Elsass, em Vorarlberg un au us de Walserderfer z Norditalie. Di alemannisch Gpedia isch sprochli wie dr alemannisch Sprochruum sälber, wie ne Matte voll mit Wildblueme, statt eme churzgstutzte änglische Rase: bi uns isch Viilfalt gwinscht.

Es derf also e jede in sym eigne Dialäkt Artikel verfasse. Bi regionale Theme sähn mir s gärn, wänn dr Artikel im Dialäkt vu däre Gegnig gschribe isch.


Di alemannisch Gpedia isch hit di umfangrychscht Internetsyte uf Alemannisch. Unser Ziil isch s, dass si s grescht un wichtigscht Internetportal rund um alemannischi Dialäkt wird, e Orientierigspunkt fir alli, wu sich fir alemannischi Dialäkt inträssiere.


Ei inhaltliche Schwärpunkt vu dr Alemannische Gpedia sin Theme, wo eppis z due hän mit dr Regione, wu alemannischi Dialäkt gschwätzt wäre. Mir verliere derby aber d Wält nit us dr Auge un bhandle au andri Theme, wu wichtig sin un d Läser inträssiere. D Artikel sotte uf eme wisseschaftlige, aber au allgmein verständlige Nivoo gschribe syy. Satirischi, gspassigi oder umgangssprochligi Formulierige sin nit gwinscht, di alemannisch Gpedia isch kei Spassprojekt.


Eis vu unsre Ziil isch au d Sprochpfläg. Vor allem im Elsass un ganz bsundersch in dr italienische Walserderfer sin di alemannische Dialäkt hit stark gfehrdet un wäre allmeh vum Franzesisch bzw. vum Italienisch verdrängt. In dr Alemannische Gpedia setze mir di alemannisch Sproch uf eme modärne Fäld yy un zeige dodermit, ass si au hite no ne Daug het. Villicht chenne mir eso ne chleine Byydrag leischte, ass es Aasäh vum Alemannisch iberall dert ghobe wird, wu Dialäkt vu modärne Schriftsproche oder regionale Umgangssproche bedrängt wird.

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.