Gpedia:Stammtisch

Zur Navigation springen Zur Suche springen
Pfaelzer Huette.jpg
Willkomme bim Gpedia-Schtammtisch


Die Syte isch es Gpedia-Forum für alles, was mit dr alemannische Gpedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

Archivibersicht Archiv 2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2
2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1
2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2
2018/1 - 2018/2 - 2019/1 - 2019/2


Gendercat

Wie do scho mol aadischkeriert: Wär si d Kategorie zue Artikel iber Fraue in ere wyblige Form will aazaige loo, cha des mache iber s Skript GenderCats.js: aifach in di aige common.js (vgl. Benutzer:Holder/common.js) die Zyylete setze:

mw.loader.load('//als.wikipedia.org/w/index.php?title=Benutzer:Holder/GenderCats.js&action=raw&ctype=text/javascript');

Ich haa jetz alli Artikel zue Fraue mol duuregluegt, s sotte jetz alli Fähler dusse syy. D Form isch in dr Regle, wie mer bi uns im Markgreflerland wybligi Forme bildet: Schriftsteller/Schrifstelleri - Choch/Chechi - Bundesroot/Bundesrööti usw.

--Holder (Diskussion) 07:49, 4. Sep. 2019 (MESZ)

Réunion du groupe tech de Wikimédia France

Bonjour (et désolé d'écrire en français, je ne parle pas alsacien/alémanique), le week-end prochain aura lieu à Paris une réunion pour relancer le groupe « tech » de Wikimédia France. L'idée est d'en faire un groupe de bénévoles qui pourrait non seulement participer aux actions menées par l'association, mais aussi aider plus directement les projets Wikimédia. En tant que contributeurs de Wikipédia, comment pensez-vous qu'un tel groupe pourrait vous aider ? Quelles sont vos attentes, vos besoins techniques, par exemple en termes de maintenance et documentation de modèles/modules/gadgets, d'accessibilité, de formations ? -Sylvain Boissel WMFr (Diskussion) 14:45, 27. Sep. 2019 (MESZ)

Schrybwettbewärb 2019

Wie doo scho mol vorgschlaa, isch s Thema vum desjeerige Schrybwettbewäärb Liachtaschtaa, zum 300-jeerige Jubiläum vum Ländli. D Nominierig lauft ab hit bis Ändi Novämber. --Holder (Diskussion) 07:00, 1. Okt. 2019 (MESZ)

Gratulazioon an Holder für de «globaal Eerehöiel»

Liebe Holder, ich gratuliere der ganz hëërzli zum globaalen Eerehöiel – dëë häsch der gwüss verdienet! --Freiguet (Diskussion) 12:16, 7. Okt. 2019 (MESZ)

Merci vylmol! --Holder (Diskussion) 13:33, 7. Okt. 2019 (MESZ)

Chuurzbriicht vu dr WikiCon z Wuppertal

d Stellwand zue dr Dialäkt-Wikipedie

Ich giib natyrli zue, ass fir mii s Highlight vu dr desjeerige WikiCon där Yyl gsii isch, aber ainewäg wie all Johr do no ne chlaine Chuurzbriicht:

Z Wuppertal im Wilhelm-Dörpfeld-Gymnasium derby gsii sin dr Plutowiki, dr Pakeha un ich, derzue no vyl bekannti Gsiichter vum Züri-Stammtisch. Droffe hämer rund 300 Lyt us dr Schwyz, vu Dytschland, vu Eschtrych un Italie. Aini vu dr inträssanteschte Unterhaltige haan i im Iibrige mit em QuimGil/Qgil-WMF iber di Katalanisch Gpedia gfiert.

An ere Stellwand haan i d Dialäkt im Bergische Land, d Wikipedie in chlaine Sproche, d Wikipede us dr Region, nämli uf Limburgisch, Plattdytsch un Ripuarisch un derzue no s Projäkt Blueme vum Monet vorgestellt.

Aagloost haan i mir en Vordraag iber OpenRefine, iber Transkriptionsrichtlinie uf dr dewiki un derzue haan i mi viermol mit dr Froog bscheftigt, wie mer neii Lyt fir d Gpedia cha gwinne (1, 2, 3, 4) un wie WMDE hälfe chaa, wämer as Wikipedianer im reale Lääbe aagange.

--Holder (Diskussion) 14:36, 7. Okt. 2019 (MESZ)

Merci! S tuet mer fascht echli läid, das i nöd deby gsy bi … --Freiguet (Diskussion) 15:53, 7. Okt. 2019 (MESZ)
Hmm – wän i daa lise, was uf em Pooschter obe linggs uf de Foti staat – das gseen i für di alemanisch Gpedia zum Täil scho zimli andersch … :-) --Freiguet (Diskussion) 10:00, 19. Okt. 2019 (MESZ)
Freiguet, un was gnau dervu? --Holder (Diskussion) 17:51, 20. Okt. 2019 (MESZ)

InternetArchiveBot

Eerlich, der InternetArchiveBot nèrvt ganz tüchtig. Zum Byspil im Artikel Schlorzifladen: All Link sind tiptop, es git überhaupt ekän Grund, das de Bot die wuur archiviere. Tummi Fraag: Wie cha mer daa de Zustand vo vorane wider anebringe? S Mälde uf de Syte vom Bot schynt übrigens nüüt z nütze, wie s Byspil Kanton Tessin zäiget, und vo künschtlicher Inteligänz mèrk i au nüüt. Gruez, --Freiguet (Diskussion) 14:03, 8. Okt. 2019 (MESZ)

Sälü Freiguet Es Patänt rezäbt chan i dir zwar kes gä u i stimme der zue, der InternetArchiveBot närvt gewaltig. I ha uf der Syte United-Airlines-Flug 811 di glyche Lämpe wi du. I ha aber mynes wüssens uf der Dütsche Syte zum InternetArchiveBot gläse das men ihm cha verbiete uf der Syte verby z cho. I ha mer das scho es paar mal überleit, ha mi aber no nid chönne derzue düre ringe das z mache. Das wär eventuel e Müglechkeit. So winer jitz grad spinnt isch es ou für mi nid grad wizig. Gruess --MerengeManu (Diskussion) 17:10, 8. Okt. 2019 (MESZ)
Im Zwyfelsfall frooge mol dr Cirdan uf dr dewiki. --Holder (Diskussion) 17:58, 8. Okt. 2019 (MESZ)
Holder, chasch mer na säge, wie mer d Änderigen im Schlorziflade wider cha zruggmache – en Retuurchnopf gits ja nööd, wänn mee weder äine draa gschaffet hät. Oder gaat das nu händisch? Dän äifach di alt Wèrsioon kopieren und wider nöi ysetze? --Freiguet (Diskussion) 19:47, 8. Okt. 2019 (MESZ)
The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.