Gpedia:Stammtisch

Zur Navigation springen Zur Suche springen
Rifugio Oberto Maroli facciata.jpg
Willkomme bim Gpedia-Schtammtisch


Die Syte isch es Gpedia-Forum für alles, was mit dr alemannische Gpedia und em alemannische Schprochruum z’due hot! Do ka mer nuie Vorschläg macha und driber abschtimma.

» An neije Bytrag aafange «

Archivibersicht Archiv 2004 - 2005/1 - 2005/2 - 2006/1 - 2006/2 - 2007/1 - 2007/2 - 2008/1 - 2008/2
2009/1 - 2009/2 - 2010/1 - 2010/2 - 2011/1 - 2011/2 - 2012/1 - 2012/2 - 2013/1
2013/2 - 2014/1 - 2014/2 - 2015/1 - 2015/2 - 2016/1 - 2016/2 - 2017/1 - 2017/2
2018/1 - 2018/2 - 2019/1 - 2019/2 - 2020/1


Spotjohrsdräffe?

Sali mitenander. Wie mer grad aktuäll cha läse, wird di negscht Wuche im Nidwaldner Museum z Stans d Uustellig Heepä, Gigele, Gäitsche. Mundart in der Deutschschweiz ufgmacht un do haan i mer dänkt: Wie wär s wämer im Spootjohr wider emol e Dräffe mache, uf Stans fahre un zäme die Uusstellig gehn go aaluege? Jetz wu eso langsam au iberlait wird, wänn d Gränze wider ufgmacht wäre, chennt des jo villicht au funktioniere no dr Summerferie. --Holder (Diskussion) 11:44, 19. Mai 2020 (MESZ)

Salü Holder, ich würd sicher mitchoo. Au as Innerschwiizer känn ich no nid jedes Museum i de Innerschwiiz. Das z Stans ghöört dezue. --Pakeha (Diskussion) 13:29, 19. Mai 2020 (MESZ)
Wil i au zur Uusstelig byträit ha, chèèm i natüürli au. Und natüürli au, wils schöön wèèr, öi wider emaal z gsee. :-) --Freiguet (Diskussion) 14:25, 19. Mai 2020 (MESZ) 
Ä guäti Idee! (Da chämt ich gaar wider äinisch i diä ander Helfti vo Underwaldä...) --B.A.Enz (Diskussion) 15:28, 19. Mai 2020 (MESZ)

Luege Lose au mol do: «Heepä, gigele, gäitsche»: Mundartausstellung in Stans (SRF Schnabelweid, 18. Juni 2020) --Holder (Diskussion) 07:35, 18. Jun. 2020 (MESZ)

Am Träffe wärid mer scho zviertä. Wie wärs mit eme Datum im Oktober? --Pakeha (Diskussion) 23:55, 5. Jul. 2020 (MESZ)
My Holdi chunnt au mit, vu dohär wäre mer scho z fimft, un vum 3. bis zum 18. Oktober goot s bi uns laider nit wäg dr Ferie. --Holder (Diskussion) 05:33, 6. Jul. 2020 (MESZ)

Ich hätt da ä Termiinvorschlag (voruisgsetzt, ass äs nid wider schtercheri Ischränkigä wägem Korona gid): Samschtig, 19. September, am Namittag. Dä Tag isch fir mich nämmli frii wordä, will äs anders Träffä, won ich drbiä gsi wäär, abgsäid wordän isch. Das Datum isch ibrigens grad zwee Täg nachärä «Schnabelweid»-Sendig, wo vo dr Uisschtellig uberträid wird. – Dummerwiis sind bi miär suscht praktisch alli Wuchänendi im September/Oktober bsetzt. – Und ich cha beschtätigä: Äs loond sich, diä Uisschtellig ga azluägä und oi azlosä. --B.A.Enz (Diskussion) 20:51, 30. Jul. 2020 (MESZ)

Miir sett das gaa. --Freiguet (Diskussion) 07:53, 31. Jul. 2020 (MESZ)
Bi mir au. --Holder (Diskussion) 10:40, 3. Aug. 2020 (MESZ)
Mier passed das leider weniger guet. Aber ich chume sicher susch nu zuemene Usstelligsbsuech. --Pakeha (Diskussion) 21:07, 3. Aug. 2020 (MESZ)

Was mäinid er: Wett mä sich under Friiguets kundiger Fiärig diä Uisschtellig im chliinä Chräis inäziä? Vilicht chemid ja oi nu mee. Ich gsääch da zwee Variantä:
A. Drvor mit Apero und Mittagässä (z.B. Ziri ab 10:04, Umschtiigä z Luzärä, Schtans a 11:18) Vilicht wurd ich gar nu epper gfindä, wo n iis churz wurd Schtans zäigä.
B. Oder ass mä sich am Namittag trifft (z.B. Ziri ab 13:04; Umschtiigä z Luzärä, Schtans a 14:18).
Ich wurd de z Hergiswil drzuä schtiigä. Ds Museum (drii Minuitä vom Banhof äwäg) machd am zwäi uif und hed bis am fiifi offä. --B.A.Enz (Diskussion) 12:06, 5. Aug. 2020 (MESZ)

Vu däne zwoo Optione wär mir di eerscht lieber. --Holder (Diskussion) 14:21, 6. Aug. 2020 (MESZ)
Ich bi au für d Opzioon A – wänn scho, dänn scho! Und ich hoffe, de Pakeha chönn si na freischuufle. Vilicht chunt au de Arkelin? Wèèr nett, diich emaal gchänezleere! :-) Und e Füerig mache, liebe B.A.Enz, chan i nööd, vo öis isch nu en chlyne Täil … :-) --Freiguet (Diskussion) 16:45, 6. Aug. 2020 (MESZ)
Un wie siit s bi eich uus: Al-qamar, Fideli, MireilleLibmann? --Holder (Diskussion) 21:20, 6. Aug. 2020 (MESZ)

Wikimedia Statistik

Änderung !
Seid a baar Dag geids koi Schdadisdig mai! Wamma an Ad-Blocker hod. AVS - Beidräg zom Portal:Schwoba 07:59, 4. Jun. 2020 (MESZ)

WikiCon 2020

Di WikiCon 2020 isch abgsait, derfir git s z Görlitz jetz d WikiCon 2021. Anne 2022 isch d WikiCon wahrschyns z Linz. --Holder (Diskussion) 06:47, 5. Jun. 2020 (MESZ)

Un au di franzesischsprochig WikiConvention 2020, wu z Tunis stattfinde soll, isch uf s negscht Johr verschobe. --Holder (Diskussion) 13:27, 15. Jun. 2020 (MESZ)

Lüüt gsuecht, wo chönd Steno läse

S Schwyzerisch Idiotikon suecht Lüüt, wo chönd Steno läse und mithälffe tääted, d Stenonotizen im Originaalmateriaal vom Spraachatlas vo de tüütsche Schwyz transkribiere – mee dezu daa. --Freiguet (Diskussion) 11:44, 16. Jun. 2020 (MESZ)

Ich nix versteno. --Pakeha (Diskussion) 13:59, 18. Jun. 2020 (MESZ)
Oh je, s hod nemle au do ondrschiedliche Versiona. I han amol 'Gabelsberger' glernd. Abr des nudsd nix. D moischde Leid hend scho Problem, nach ara längara Zeid, d oigene Text z lesa. Viel Glück! AVS - Beidräg zom Portal:Schwoba 08:21, 19. Jun. 2020 (MESZ)

Houptsyte

S git bal e greßeri Software-Änderig, wu s vor allem um e gändereti Darstellig vu dr mobile Version vu dr Startsyte vu allne Wikimedia-Projäkt goot, luege phab:T254287. Die Änderig chunnt villicht scho zum 13. Juli. Ich waiß nit, was des jetz fir unsri Houptsyte haißt, eb s die verrysst oder eb mer s gar nit merkt. --Holder (Diskussion) 06:55, 1. Jul. 2020 (MESZ)

Wämer Glick hän, länge die Änderige [1], [2]. --Holder (Diskussion) 10:42, 13. Jul. 2020 (MESZ)

Zurzyt isch au d Raiefolg vu dr Interwikilink en ainzig Chrusimusi (phab:T257625). --Holder (Diskussion) 10:45, 13. Jul. 2020 (MESZ)

Isch jetz gflickt: (Task 257625, Gerrit:612155) un d Houptsyte siit allno guet uus. --Holder (Diskussion) 12:15, 3. Aug. 2020 (MESZ)

Nachbarschaftshilfe ;-)

Sali zäme! Hätte vielleicht jemand von euch Zeit, Lust und Ahnung, und kann mir helfen, die Georeferenzierung in der romanischen Vichipedia zu implementieren? Irgendwie blick ich da nicht durch. --Andreas (Diskussion) 01:24, 19. Jul. 2020 (MESZ)

Hallo Andreas, ich bin zurzeit noch mehr oder weniger in den Sommerferien, aber wenn ich zurück im Wikialltag bin, helfe ich da gerne. Gruß --Holder (Diskussion) 07:32, 3. Aug. 2020 (MESZ)

Salü !

Salü bisàmme ! Isch ben Elsàssisch, un versüeche in de Gpedia ze mitmàche. Mini Grosseltere hàn m'r viel ùf Elsàssisch g'redet awwer isch hàb' immer ùf Franzeesch geàntworte...un jetz denke isch, s'esch schàd. Min Hochditsch esch viel besser ! Awwer im Dialekt ze schriwwe esch noch ebs àndersch ! Een scheen Salü ze eich àlli !

Solly Fanaliceful ùn härzlig willcho bi de alemannische Gpedia. Es isch schön, dass wiider emool en Elsässer debi isch. Wänn Frooge hesch, no froog nùmme. Ùn vilycht cha d Mireille am beschte Antwort gee. En liebe Gruess, --Terfili (Diskussion) 22:48, 2. Aug. 2020 (MESZ)
The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.