Phil Williams

Neidio i: llywio, chwilio
Phil Williams

Cyfnod yn y swydd
6 Mai 1999 – 3 Mai 2003

Geni 11 Ionawr 1939(1939-01-11)
Tredegar, Blaenau Gwent
Marw 10 Mehefin 2003(2003-06-10) (64 oed)
Caerdydd
Plaid wleidyddol Plaid Cymru
Alma mater Prifysgol Caergrawnt
Galwedigaeth Gwyddonydd

Roedd y Dr Philip James Stradling Williams (11 Ionawr 193910 Mehefin 2003), yn wyddonydd ac yn wleidydd. Fe'i etholwyd yn aelod o'r Cynulliad Cenedlaethol Cymru dros etholaeth ranbarthol Dwyrain De Cymru yn 1999.

Fe'i ganwyd yn Nhredegar ond fe'i magwyd ym Margoed. Cafodd radd ddwbl mewn ffiseg ddamcaniaethol ac yn ddiweddarach Ph.D. ym Mhrifysgol Caergrawnt. Roedd yn wyddonydd blaengar ym maes gwyddoniaeth y gofod. Penodwyd ef yn ddarlthydd yng Ngholeg Prifysgol Cymru, Aberystwyth yn 1967, ac yn athro Ffiseg Solar-Ddaearol yn 1991.

Yn aelod o Blaid Cymru ers 1961 chwaraeodd ran flaenllaw yn natblygiad polisi y blaid. Ef oedd cadeirydd cenedlaethol cyntaf y blaid, a bu yn ymgeisydd seneddol ac yn ymgeisydd Ewropeaidd i'r blaid. Daeth o fewn trwch blewyn i ennill is-etholiad Caerffili yn 1968.

Marwolaeth

Peidiodd a bod yn Aelod o'r Cynulliad yn 2003 er mwyn gweithio ar brosiect ymchwil yn astudio'r haul o'r wylfan ger Pegwn y Gogledd. Fe'i etholwyd yn Wleidydd Cymreig y Flwyddyn S4C yn y flwyddyn 2000.[1] Rhoddwyd pwysau arno gan gyd-weithwyr i fod yn arweinydd newydd y Blaid, yn sgîl ymddiswyddiad Ieuan Wyn Jones fel llywydd. Yn fuan wedi iddo adael Cynulliad Cenedlaethol Cymru, dioddefodd Williams drawiad ar y galon tra'n ymweld â pharlwr tylino "A Touch of Class" (a elwir "Twice as Nice" bellach) yng Nghaerdydd.[2] Bu farw o ganlyniad i'r trawiad.

Cyfeiriadau

  1. Former Plaid Cymru AM dies Gwefan y BBC. Adalwyd ar 23-07-2009
  2. Woman quizzed on ex-AM's death. Gwefan BBC. Adalwyd ar 23-07-2009

Dolen allanol

Cynulliad Cenedlaethol Cymru
Rhagflaenydd:
swydd newydd
Aelod Cynulliad dros Ddwyrain De Cymru
19992003
Olynydd:
Laura Anne Jones
The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.