Vicipaedia:Nuntii

2023

• 15 Martii: Freddy, diutissimus typhon marinus umquam observatus, post iter 36 dierum trans totum oceanum Indicum peractum in Mozambico evanescit. Plus quam quadringentos homines necaverat.

• 10 Februarii: Carolus Saura, dispositor cinematographicus et scriptor Hispanicus Matriti moritur.
• 6 Februarii: Confinium Turciae et Syriae a serie gravissimorum terrae motuum magnitudinum usque 7.8 percutitur. Die 13 Martii quinquaginta quinque fere milia hominum necatorum et centum undecim milia vulneratorum deferentur.

• 10 Ianuarii: Constantinus II, ultimus rex Graecorum (1964-1973) mortuus est.

2022

• 31 Decembris: Benedictus XVI papa, natus Iosephus Ratzinger, olim princeps Ecclesiae Catholicae in Civitate Vaticana moritur.

• 30 Decembris: Ante 100 annos Unio Rerum Publicarum Sovieticarum Socialisticarum fundata est.

• 29 Decembris: Edison Arantes do Nascimento, agnomine Pelé, illustrissimus pedilusor Brasilianus 82 annos natus Paulopoli decessit.

• 21 Novembris: Terraemotus magnitudinis 5.6 in insulae Iavae occidentali parte 56 fere milia domorum et octo fere milia hominum laesit. 321 homines necati sunt.
• 15 Novembris: Circa hodiernum diem homines in tota terra viventes octo milliarda (8 000 000 000) superaverunt.

Nota bene

Oportet nuntios unum vel duos recentissimos semper in formulam Vicipaedia:Pagina prima/Nuntii inserere: qui in pagina prima videbuntur.

Oportet nuntios etiam in paginam anni (e. g. in paginam 2023) inserere.

Nexus interni

• Nuntii Latini
• {{Eventuscurrens}}