Amis de l'orgue - Luxembourg

Op d'Navigatioun wiesselen Op d'Siche wiesselen

D'Associatioun Amis de l'Orgue - Luxembourg a.s.b.l. ass eng Vereenegung vun Uergelfrënn, déi sech als Ziil gesat huet, d'Uergelmusek, d'Uergelen, d'Organisten an déi lokal Uergelvereenegungen zu Lëtzebuerg z'ënnerstëtzen an ze fërderen, haaptsächlech duerch d'Organiséiere vun Uergelconcerte vun deenen diverseste Richtungen op verschiddene Plazen am Land. D'Vereenegung gouf 1974 gegrënnt, an de Comité besteet haut aus sechs Memberen, souwuel aus haapt- an niewenamtlechen Organisten wéi och aus Uergelbegeeschterten. Elektronesch Uergel-Imitatioune gehéieren net zu hirem Domaine.

Chronik

No engem Uergelconcert, deen den Xavier Darasse den 20. November 1972 an der Méchelskierch um Fëschmaart ginn hat, koum d'Iddi op, eng Associatioun ze grënnen. Et huet bis 1974 gedauert, bis "Les Amis de l'Orgue de Saint-Michel" gegrënnt goufen. Den éischte Concert, dee vun hinnen organiséiert gouf, war de 25. Januar 1974 mam belschen Organist Bernard Foccroulle. 1980 gouf an enger aussergewéinlecher Generalversammlung decidéiert, d'Vereenegung ëmzedeefen op Amis de l'Orgue Luxembourg, well d'Zil méi wäit gefaasst gouf an net méi just d'Uergel um Fëschmaart, mä d'Uergelmusek am ganze Land sollt an de Bléck geroden. Vun elo u setzt d'Associatioun sech a fir d'Promotioun vun der Uergel(musek) am ganze Land. An de folgende Joren hu si ëmmer nees Concerte mat bekannten Organisten organiséiert, Meeschtercoursen ënnerstëtzt, a zanter 1981 offréiere si dem Gewënner vum Grand Prix de Chartres (all zwee Joer) e Concert zu Lëtzebuerg. D'Amis de l'Orgue hunn och ëmmer erëm besonnesch Jubiläe vu berühmte Museker besonnesch gefeiert, duerch d'Organiséiere vu sougenannten Intégralen (z. B. Bach-Intégrale am Joer 2000 oder Messiaen-Intégrale am Joer 2008). Zanter 1987 gëtt et Uergelauditiounen vun enger hallwer Stonn all Samschdeg Moien um 11 Auer, ofwiesselnd an der Kathedral an an der Méchelskierch, bei deenen international renomméiert Organisten optrieden. Zanter e puer Joer gehéiert och eng Journée de l'Orgue am Oktober (mat Visite vu verschiddenen intressanten Uergelen, engem Iessen an engem groussen Ofschlossconcert) zum feste Programm.

Comité

Den aktuelle Comité (2014) setzt sech folgendermoossen zesummen:

Um Spaweck

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.