Oeko-Foire

Op d'Navigatioun wiesselen Op d'Siche wiesselen
D'Affiche vun der Éditioun 2008

D'Oeko-Foire (sic) war eng Ausstellung zu Lëtzebuerg, déi e breet Spektrum vun Informatiounen, Produkter a Servicer zum Thema Ëmwelt a Gesondheet an och innovativ Projete presentéiert huet. Si gouf vun 1987 bis 2016 organiséiert a war an der Regel am September an den Ausstellungshalen um Kierchbierg.

D'Oeko-Foire gouf vum Mouvement écologique a vum OekoZenter Lëtzebuerg organiséiert.

Geschicht

Déi éischt Oeko-Foire gouf 1987, am Europäeschen Ëmweltjoer ofgehalen. Si hat 30 Aussteller an eng 4000 Visiteuren. Zanterhier huet se sech virun entwéckelt, et sinn all Joer op d'mannst 13.000 Visiteuren an iwwer 170 Exposanten, déi do zesummekoumen.[1]

Fir an d'Rullen ze kommen, krut d'Oeko-Foire am Ufank e Subside vum Ëmweltministère. Se finanzéiert sech awer zanter en etlech Joer selwer.

No där vun 2016 hunn d'Organisateuren decidéiert, 2017 keng Oeko-Foire méi z'organiséieren: ekologesch Produiten an d'Kenntnes doriwwer wieren ewell wäit doruechter verbreet, sou datt eng extra Foire net méi néideg wier.[2]

2017 gouf d'Oekofoire duerch den Oekofestival ersat, deen am Oekozenter Pafendall, an de Stroosse ronderëm an och am Park Odendahl all Joer soll organisiert ginn.[3]

Referenzen an Notten

  1. www.oeko.lu
  2. oekofoire.lu, gekuckt 2017-09-13.
  3. Luxemburger Wort vum 23./24. September 2017, S.

Um Spaweck

The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.