Paula Mae Weekes

Op d'Navigatioun wiesselen Op d'Siche wiesselen
Paula Mae Weekes
Gebuer 23. Dezember 1958
Aktivitéit Jurist, Politiker
Wikidata-logo-without-paddings.svg

D'Paula(-)Mae Weekes, gebuer den 23. Dezember 1958 zu Port of Spain, ass eng Juristin a Politikerin aus Trinidad an Tobago. Si gouf 2018 zu der Presidentin vun hirem Land ernannt an ass déi éischt Fra an dëser Funktioun.

Liewen

D'Weekes huet op der University of the West Indies (UWI) zu Cave Hill Droit studéiert an dës mat engem Bachelor of Laws, souwéi dono engem Legal Education Certificate op der Hugh Wooding Law School zu St. Augustine ofgeschloss. 1982 gouf si um Barreau zougelooss. Dono war si Affekotin, a gouf 1996 Riichterin op dem High Court vun Trinidad.[1] Vun 2005 bis 2016 war se Riichterin op der Cour d'appel. Vun 2011 bis 2016 huet si Ethik-Coursen op der Hugh Wooding Law School ginn.[2] 2016 gouf se pensionéiert, gouf awer nach am Februar 2017 Riichterin op der Cour d'Appel vun den Turks- a Caicosinselen.

De 5. Januar 2018 gouf si vun der Regierungspartei PNM als Kandidatin fir d'Nofolgerin vum Staatspresident Anthony Carmona ernannt. D'Oppositiounspartei UNC huet op en eegene Kandidat verzicht, sou dass si den 8. Januar offiziell nominéiert, an den 19. Februar 2018 zur Presidentin proklaméiert gouf. Si huet hir Funktioun den 19. Mäerz 2018 ugetrueden.


Referenzen

  1. Sean Douglas: "Paula Mae Weekes in a nutshell." Trinidad Newsday, 6.1.2018.
  2. Carolyn Kissoon: "A proud moment for T&T: President-elect Paula Mae-Weekes" Trinidad Express, 19.01.2018
The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.