Beeraha laalaada

Jump to navigation Jump to search

Coordinates: 32°32′08″N 44°25′39″E / 32.5355°N 44.4275°E / 32.5355; 44.4275

Beeraha laalaada ee magaalada Baabiyloon wakhtigii maamulka Assiyriyanka.
Gidaarka weyn ee magaalada Baabiyloon.

Beeraha laalaada (Af carabi: حدائق بابل المعلقة Af Talyaani : Giardini pensili di Babilonia Af Ingiriis : Hanging Gardens of Babylon) ee magaalada Baabiyloon iyo gidaarka magaalada Baabiyloon oo maanta ku beegan magaalada Al-Hillal ee dalka Ciraaq waxay ka mid ahaayeen Todobada Layaab ee dunida. Beerahan waxaa dhisay boqor Nebujadnesarkii 2aad (Nabuchodonosor II) ee boqortooyadii Baabiylooniya markii taariikhdu ahayd qiyaastii sanadkii 600 C.H, taasi oo sababtu ahayd in uu ku raali-geliyo xaaskiisa Amaytis. Beeraha laalaada waxay burubureen qarnigii 1aad C.D markii dhul gariir adag ku habsaday deegaanada magaalada Baabiyloon ee Mesobotaamiya.

Beeraha laalaada waxay ku beernaayeen dhinacyada webiga Furaat kuwaasi oo sudhnaa gidaar leh dhumuc 25 mitir ah.

Xaqiiqada

Dadka qaar muran ayay ka keeneen in Beeraha laalaada jireen ayagoo ku sheegay sheeko khiyaali ah. Si kastaba ha ahaatee, taariikhyahan u dhashay qabiilka Jaaldiin[1] oo la odhan jirey Berossus, kaasi oo ku noolaa Giriiga qarnigii 4aad C.H ayaa si fiican u sharaxay beeraha laalaada ee magaalada Baabiyloon.

Dhinaca kale, cilmibaadhis iyo dhul qodaal ay sameeyeen guuto aarkiyoolojiis ah waxaa lagu ogaaday in beeraha laalaada si dhab ah u jireen wakhtiyadii ay dhisnayd magaalada Baabiyloon.

Xigasho

  1. The Hanging Gardens of Babylon: the mysterious wonder of the ancient world. article by Robin Fowler [where?]
The article is a derivative under the Creative Commons Attribution-ShareAlike License. A link to the original article can be found here and attribution parties here. By using this site, you agree to the Terms of Use. Gpedia Ⓡ is a registered trademark of the Cyberajah Pty Ltd.