Tafwyl

Tafwyl

Enghraifft o:	digwyddiad sy'n ailadrodd
Ffeiliau perthnasol ar Gomin Wicimedia

Gŵyl flynyddol Menter Caerdydd i ddathlu celfyddydau a diwylliant Cymraeg yw Tafwyl, sydd yn digwydd yn flynyddol yng Nghaerdydd, Cymru. 

Sefydlwyd yr ŵyl yn 2006 yn dilyn cyfarfod agored gan Menter Caerdydd. Cynhaliwyd yr ŵyl gyntaf yng ngardd gefn hen dafarn y Mochyn Du ger Canolfan Chwaraeon Genedlaethol Cymru. Daeth oddetu 80 o bobl i'r cyfarfod a chost y Tafwyl gyntaf oedd £2,500.^[1] Yn 2012 symudodd yr ŵyl o’r Mochyn Du i Gastell Caerdydd. Mae cynulleidfa Tafwyl wedi tyfu yn aruthrol dros y blynyddoedd o ychydig dros mil o bobl yn y Mochyn Du yn ei ddyddiau cynnar, i 38,000 o bobl yng Nghaeau Llandaf yn 2017. Yn 2018 cyllideb yr ŵyl oedd £150,000.^[1]

Mae’n ddigwyddiad 9 diwrnod i gyd; gyda digwyddiadau amrywiol yn cael eu cynnal o amgylch Caerdydd am wythnos, gan orffen gyda’r prif ddigwyddiad dros y penwythnos olaf. Mae’r prif ddigwyddiad yn gymysgedd fywiog o gerddoriaeth, llenyddiaeth, drama, comedi, celf, chwaraeon, bwyd a diod yng Nghastell Caerdydd. Mae’n ddigwyddiad rhad ac am ddim sy’n agored i bawb – yn siaradwr Cymraeg neu beidio.

Dychwelodd yr ŵyl i Gastell Caerdydd y flwyddyn hon, a daeth yn agos 40,000 o ymwelwyr.^[2]

Sadwrn

Sul

Yn 2017 cynhaliwyd yr ŵyl yng nghaeau Llandaf a gwelwyd 38,000 o ymwelwyr .^[3] Bryn Fôn a'r Band oedd i fod i orffen yr ŵyl ar y nos Sul ar y Brif Lwyfan on ni allent fynychu felly Candelas oedd yr prif fand.^[4] Roedd "Reu! 25" yn ddathliad o gerddoriaeth electronig Cymru.^[5]

Castell Caerdydd oedd lleoliad yr ŵyl yn 2016 ac roedd 36,500 o ymwelwyr.^[6]

Sadwrn

Sul

Daeth 34,000 o ymwelwyr i Tafwyl yn 2015.^[7] Dyma'r flwyddyn gyntaf i prif ddigwyddiad yr ŵyl gael ei gynnal dros deuddydd.

Castell Caerdydd oedd cartref Tafwyl 2014 a daeth 18,717 o bobl.^[8]