Arsenopirita

Arsenopirita
Cristais de arsenopirita
Fórmula química	FeAsS
Clase	Sulfuros
Sistema cristalino	Monoclínico (en cristais prismáticos) e rómbico
Cor	Branca a gris aceirada
Brillo	Metálico
Dureza	5,5-6
Fractura	Irregular
Exfoliación	Perfecta
Raia	Gris escura ou negra
Densidade	5,9-6,2 g/cm3

A arsenopirita (tamén chamada pirita arsenical ou mispíquel) é un mineral da clase dos sulfuros cuxa fórmula química é FeAsS e que cristaliza no sistema monoclínico.

A arsenopirita aparece normalmente en forma de cristais dodecaédricos e prismáticos, aínda que tamén o fai en forma de masas amorfas. Son típicas as maclas por compenetración en forma de punta de lanza ou en forma es estrela (crecemento acicular). A súa cor é agrisada.

Aparece con frecuencia en depósitos sulfurosos asociada a minerais como a pirita, a calcopirita, a pirrotina ou a siderita.

A arsenopirita emprégase para a fabricación de aliaxes metálicas e de vidro, en aplicacións médicas, en insecticidas, en pirotecnia e para a elaboración de pigmentos.

Outros minerais nos que a presenza de xofre é destacada son:

A marcasita, a pirita, calcopirita, a pirrotina, a galena e o cinabrio.