Fulham FC

Fulham
Nome	Fulham Football Club
Alcume(s)	Whites, Cottagers
Fundación	1879
Estadio	Craven Cottage, Londres, Inglaterra
Inauguración	1896
Capacidade	22.230
Presidente	Mohamed Al-Fayed
Adestrador	Martin Jol
Liga	The Championship
2013–14	19º (Premier League)
Vestimenta	Kappa
Patrocinador	FxPro
Na rede
http://www.fulhamfc.com/
Titular Alternativo Terceiro

O Fulham Football Club é un club de fútbol do distrito de Hammersmith e Fulham da cidade de Londres, en Inglaterra. Foi fundado en 1879, sendo o equipo profesional máis antigo de Londres. Xoga na Premier League desde a tempada 2001/02.

O Fulham foi fundado en 1879 co nome de Fulham St Andrew's Church Sunday School FC. Todos os primeiros xogadores foron cristiáns. En 1888 cambiouse o nome polo actual.

O equipo estivo moito tempo na Primeira División do fútbol inglés dese tempo preto dos anos 1960, pero nunca conseguiron ningún trofeo de importancia. Chegaron á final da FA Cup en 1975, pero foron derrotados polo West Ham United. O único trofeo de importancia da historia do equipo é gañar unha clasificiación para a Copa da UEFA por saír campión da Copa Intertoto da UEFA, ao gañarlle na final ao Bologna FC por 3-0.

O 29 de abril de 2010, o Fulham derrotou 2-1 ao Hamburgo SV e clasificouse para a final da primeira edición da UEFA Europa League. Nela enfrontaríase ao Atlético de Madrid o 12 de maio de 2010. O encontro foille esquivo, perdendo por 2-1 na prórroga. Os goles foron marcados por Diego Forlán para o conxunto español e Simon Davies para o equipo inglés.

• Uniforme titular: Camiseta branca, pantalón negro, medias brancas.
• Uniforme alternativo: Camiseta roxinegra, pantalón branco, medias negras.
• Terceiro uniforme: Camiseta, pantalón e medias verde e amarelo.

Categoría principal: Xogadores do Fulham FC.

O club xoga de local no estadio Craven Cottage desde 1896. O estadio atópase á marxe do río Támese en Fulham. Durante as tempadas 2002/03 e 2003/04 o equipo xogou de local en Loftus Road, o estadio do Queens Park Rangers, mentres o Craven Cottage estaba sendo remodelado para cumprir coas esixencias da Premier League.

• Football League Second Division/Football League First Division (2): 1948-49, 2000-01.
• Football League Second Division (1): 1998-99.
• Football League Third Division South (1): 1931-32.

• Copa Intertoto da UEFA (1): 2002.
• Subcampión da UEFA Europa League (1): 2009/10.

• Sitio web oficial (en inglés)