Lanius

Lanius
Lanius excubitor, coa súa presa cravada nuna espiña
Clasificación científica
Reino: Animalia Filo: Chordata Subfilo: Vertebrata Clase: Aves Orde: Passeriformes Suborde: Oscines Infraorde: Corvida Superfamilia: Corvoidea Familia: Laniidae Xénero: Lanius Linnaeus, 1758
Especies
Véxase o texto

Lanius é un xénero de aves da orde dos paseriformes, infraorde dos Corvida, suborde dos oscines, unha das integrantes da familia dos lánidos.

Son paxaros de rechamante aspecto, co peteiro ganchudo e comportamento moi similar ao dos falcóns, xa que son depredadores que adoitan cazaren outros paxaros como xílgaros, pequenos roedores como o rato de campo e insectos grandes.

Un costume típico destas aves é a de inserir as súas vítimas en espiñas a modo de pequenas despensas ás que acode en caso de necesidade.

O xénero foi descrito por Linneo en 1758, na décima edición do seu Systema Naturae.^[1]

Para escoller o nome do xénero Linneo adoptou o substantivo do latín clásico lanius, -ii, que significa 'carniceiro', tomando, quizais, como modelo a expresión pendere ad lanium, 'estar pendurada (a carne) na carnizaría', debido ao costume das especies deste xénero de penduraren os corpos de pequenos vertebrados e de grandes insectos cravándoos en espiñas, como quedou dito antes.

Na actualidade recoñécense no xénero as 29 especies seguintes:^[1][2]

• 
  Lanius bucephalus
• 
  Lanius collurio
• 
  Lanius excubitor borealis
• 
  Lanius ludovicianus
• 
  Lanius minor
• 
  Lanius nubicus
• 
  Lanius souzae
• 
  Lanius tigrinus
• 
  Lanius vittatus

En Galicia pódense atopar as seguintes especies pertencentes ao xénero Lanius:

Nome científico[3]	Nome común	Imaxe	Presenza[3]	Status en Galicia[3]	Familia
Lanius collurio	Picanzo vermello[3][4]		Estival pouco común		Lánidos
Lanius excubitor	Picanzo do norte		Raro	-	Lánidos
Lanius isabellinus	Picanzo isabelino		Accidental, rareza	-	Lánidos
Lanius meridionalis	Picanzo real[3]		Sedentario escaso con invernantes		Lánidos
Lanius minor	Picanzo pequeno[3][4]		Accidental	-	Lánidos
Lanius senator	Picanzo de cabeza rubia		Estival escaso		Lánidos

• Conde Teira, M. A. (1999): "Lista de nomes galegos para as aves ibéricas" Chioglossa 1: 121-138.
• Penas Patiño, Xosé M., Carlos Pedreira López e Calros Silvar (2005): Guía das aves de Galicia. A Coruña: Baía Edicións. ISBN 84-8767-406-2.
• Harris, Tony (2000): Shrikes and Bush-Shrikes. Princeton, Nova Jersey, USA: Princeton University Press. ISBN 0-6910-7036-9.
• Lefranc, Norbert (1997): Shrikes: A Guide to the Shrikes of the World. New Haven, Connecticut, USA: Yale University Press. ISBN 0-3000-7336-4.

• Paseriformes
• Corvida
• Corvoideos
• Lánidos

• Lanius Linnaeus 1758 na EOL.
• Lanius Linnaeus, 1758 no GBIF.