Stellaris

Stellaris – Paradox Development Studio жасаған 4X гранд стратегия жанрындағы видео ойын. Ойында ойыншылар жұлдызаралық өркениетті таңдап, галактиканы зерттеу, колонизациялау, басып алған аумақтарды басқаруды жүргізеді. Таңдалған өркениет басқа жатғаламшарлық өркениеттерді кезіктіріп, дипломатия, сауда және соғыс әрекеттерін жүргізе алады. Ойын жасаушыларға Станислав Лемнің шығармашылығы қатты ықпал еткен және ойынның ішінде жазушының еңбектеріне көптеген сілтемелер бар.[1]

Ойын алғаш 2016 жылғы 9 мамырда Windows, macOS және Linux-та қолжетімді болды, ал PlayStation 4 пен Xbox One-ға 2019 жылдың 26 ақпананында Stellaris: Console Edition атымен шығарылды.

Ойын барысы

Stellaris шынайы уақытта ойналатын, 4X және гранд стратегия элементтерін қосқан ойын. Ойынның басты алаңы – Құс жолы галактикасының картасы. Картада жекелеген күн жүйелері мен оларды байналыстыратын гиперлейндар және қосымша элементтер көрсетіледі. Ойыншы FTL мүмкіндігі бар өркениетті басқарып, ойында империя деп аталады, галактиканы зерттеп, күн жүйелерін ашып, колонизация процесін жүргізеді. Өмір сүруге қолайлы ғаламшарларды империя құрамына қосып, экономикалық, технологиялық және әскери дамытуды қатар жүргізіп отырады.

Ойынның басында әр ойыншыға империя иелік ететін "этикалық жүйелер" және азаматтық принциптерін таңдауға мүмкіндік беріледі. Этикалар жалпы саны 8 категориядан тұрады.

Жасалуы мен жариялануы

Paradox студиясы Stellaris-ті осыған дейін 2007 жылы Europa Universalis III ойыны жасалған Клаузевиц қозғалтқышы негізінде дамытқан.[2] Ойын алғаш рет 2015 жылдың тамызында Gamescom іс-шарасында таныстырылды.[3]

Stellaris көпшілікке 2016 жылдың 9 мамырында таныстырылды. Ойын сатылымға шыққан кейін қосымша кеңейтілімдер мен багтарды жөндейтін тегін апдейттер болатындығы мәлім болды.[4] Апдейттер атауы ретінде танымал ғылыми-фантастика жазушылар есімдері қолданылды. Олардың қатарында Артур Чарльз Кларк, Айзек Азимов, Роберт Хайлайн, Дуглас Адамс, Рэй Бредбери, Карел Чапек, Пьер Боуле, С. Черрих, Ларри Нивен, Урсула Ле Гуин, Джин Волф, Танит Ли мен Мэри Шэллей бар. 2022 жылдан бастап жазушылар есімдері орнына шоқжұлдыздар атаулары беріле бастады.

Спин-оффтар

2023 жылдың маусымында Stellaris: Nexus атты спин-оффы шығатындығы жарияланды. Бұл ойынды Whatboy Games жасады.[5] Алғашқы қолжетімділік кезеңінде ойын атауындағы Stellaris түсіп қалып, атауы Nexus 5X деп өзгертілді. Дегенмен де, ойын Stellaris ғаламында орын алып отыр.[6] 2023 жылдың 12 қазанында Paradox Star Trek: Infinite ойынын шығарды. Ойынның механикасы түпнұсқадағы Stellaris-тен айнымайтындығы айтылды.[7][8][9]


Дереккөздер

Дереккөздерді алдын ала қарау

  1. ↑ Stellaris Devs Pay Tribute to Lem in New Update (15 қыркүйек 2021).
  2. ↑ Savage, Phil Stellaris: how Paradox plan to make an infinite grand strategy. PC Gamer (21 August 2015).
  3. ↑ Potter, Matt Gamescom 2015: Paradox Interactive Announces Stellaris. IGN (August 10, 2015).
  4. ↑ Stellaris Dev Diary #33 - The Maiden Voyage (16 May 2016).
  5. ↑ Stellaris spin-off aims for a full multiplayer 4X experience in under an hour. Gamer Network (9 June 2023).
  6. ↑ Stellaris spin-off ditches title, becomes Nexus 5X. Gamer Network (21 March 2024).
  7. ↑ Star Trek: Infinite review – to go where others have been before. Sports Illustrated Media Group (12 October 2023).
  8. ↑ Star Trek: Infinite review - it's a good day to wait for mods. Gamer Network (12 October 2023).
  9. ↑ Star Trek: Infinite leans in to the best of Trek. Vox Media (12 October 2023).