Pentan

n-Pentan
Systemateschen Numm (IUPAC)	Pentan
Trivialen Numm	Pentan
Cheemesch Formel	C5H12
Ausgesinn / Geroch	faarflos Flëssegkeet déi no Bensinn richt
Eegenschaften
Dicht	0,626 g/cm3
Léislechkeet	40 mg/l bei 20 °C am Waasser
Agregatzoustand	flësseg
Molmass	72,15 g/mol
Schmëlzpunkt	–129,8 °C
Kachpunkt	36,1 °C
Dampdrock	562 hPa (20 °C)
Thermodynamesch Daten
Standard Formatiounsenthalpie ΔfH0	–173,5 KJ·mol−1
Standardentropie S0	263,47 J·K−1·mol−1
Verbrennungsenthalpie ΔcH0	–3509 KJ·mol−1
Weideres
Änlech Moleküllen	Isopentan Neopentan Hexan
Cheemesch Famill	Alkanen

Pentan oder n-Pentan ass en aliphatesche Kuelewaasserstoff, deen zu der Famill vun den Alkane gehéiert. En ass ee vun deenen dräi Isomeren aus der Grupp vun de Pentanen, déi nach aus Isopentan a Neopentan besteet.

Pentan ass eng Flëssegkeet ouni Faarf, déi no Bensinn richt. En ass volatil an verdonnst scho bei Raumtemperatur. Déi Dämp si méi schwéier wéi d'Loft a breede sech um Buedem aus.

E léist sech schlecht am Waasser. Dogéint ass e gutt am Aceton, am Ethanol an am Ether léislech.

Pentan ass liicht brennbar a verbrennt mat Sauerstoff zu Kuelendioxid a Waasser. Doduerch, datt e volatil ass, kënnen explosiv Gasgemëscher aus Pentan a Loft entstoen.

${\displaystyle \mathrm {C_{5}H_{12}+8\,O_{2}\rightarrow 5\,CO_{2}+6\,H_{2}O} }$

Pentan kënnt am Äerdgas an am Pëtrol vir an entsteet beim Cracking

An der Industrie:

Pentan gëtt an der Industrie duerch Destillatioun vu Pëtrol gewonnen.

Am Laboratoire:

Am Laboratoire gëtt fir d'éischt Pentan-2-ol oder Pentan-3-ol dehydratiséiert, da mat Katalysateuren hydréiert.

Pentan ass en universellt Léisungsmëttel an en Dreifmëttel an de Spraydousen.

D'Dämp vum Pentan wierke narkotesch a wann een se anotemt, kann dat zu Dronkenheet, Kappwéi, Schléifregkeet an Herzrhythmusstéierunge féieren.

• http://www.seilnacht.com/Chemie/ch_pent.htm