Asino

Asino Асино
Plassering
Styresmakter
Land	Russland
Føderasjonssubjekt	Tomsk oblast
Grunnlagd Bystatus	1896 1952
Geografi
Flatevidd  - By	90 km²
Innbyggjarar  - Totalt (2008)    - folketettleik	27 290   303,2 /km²
Koordinatar	57°0′N 86°9′E / 57.000°N 86.150°E / 57.000; 86.150
Tidssone - Ved sommartid	OMST (UTC+6) OMSST (UTC+7)
Diverse annan informasjon
Postnummer	636840
Retningsnummer (tlf)	+7 38241
Bilnummer	70

Asino (russisk А́сино) er ein by i Tomsk oblast i Russland med om lag 27 000 innbyggjarar. Han ligg ved elva Tsjulym, ei sideelv til Ob, rundt 90 km nordaust for Tomsk.

Byen vart grunnlagd i 1896 som busetnaden Ksenijevka eller Ksenijevskij, kalla opp etter systera til den siste russiske tsaren, Nikolai II, storfyrstinne Ksenija (Xenia) Aleksandrovna. I 1930 starta bygginga av jernbanen Tomsk–Ksenijevskoje. Byen skifta namn til Asino i 1933, etter jernbanestasjonen. Namnet Asino kjem av Asja, eit russisk diminutiv av Ksenija. Han fekk bystatus i 1952.

Asino er eit sentrum for tømmerretta verksemd som hogst, treforedling og storskala utskipning av tømmer. I tillegg har området kjøtt- og mjølkekombinat og ein linfabrikk.

Jordbruket i Asinoregionen er prega av rug, kveite og lin, samt oppdrett av kveg og svin. Førekomstar av torv, sand og leire finst òg i området.

Byen har elvehamn ved elva Tsjulym og ein jernbanestasjon.

• Offisiell nettstad for Asino
• Vêr i Asino