Grasse

Grasse
Styresmakter
Land Region Departement	Frankrike Provence-Alpes-Côte d'Azur Alpes-Maritimes
Geografi
Flatevidd	44,44 km²
Flatevidd  - By	44,4 km²
Innbyggjarar  - By (1999)    - folketettleik	43 874   988/km²
Koordinatar	43°39′52″N 06°55′33″E / 43.66444°N 6.92583°E / 43.66444; 6.92583
Høgd over havet	333 m
Tidssone - Ved sommartid	CET (UTC+1) UTC+2 (UTC)
Diverse anna
Heimeside: www.ville-grasse.fr

Grasse (oksitansk Grassa eller Grasso) er ein by og kommune søraust i Frankrike i departementet Alpes-Maritimes, der han er sous-préfecture. Byen ligg ved Den franske rivieraen.

Grasse har hatt ein blømande parfymeindustri sidan slutten av 1700-talet.

Grasse er senteret for den franske parfymeindustrien og er kjend som parfymehovudstaden i verda (la capitale mondiale des parfums). Han produserer over to-tredjedelar av Frankrike sine naturlege aromaer (for parfyme og smakstilsetting i mat). Industrien har ei inntekt på over 600 millionar euro i året.

Grasse sitt spesielle mikroklima er spesielt fordelaktig for blomeindustrien. Det er varmt og langt nok innanlands til at havlufta ikkje når inn. Det er mykje vatn i området. Byen ligg 350 meter over havet og 20 km frå kysten.

Sjasmin, ein nøkkelingrediens i mange parfymar, vart ført til Sør-Frankrike av maurarane på 1500-talet. 27 tonn sjasmin vert no hausta i Grasse kvart år.

Det er fleire «parfyrmeri» i Grasse, og kvart av dei har guida turar og eit museum.

Commons har multimedium som gjeld: Grasse

Reiseguide for Grasse frå Wikivoyage