Richard Sinclair

Richard Sinclair
Fødd	6. juni 1948 (76 år)
Fødestad	Herne Bay i Kent
Fødenamn	Richard Stephen Sinclair
Opphav	Canterbury i England
Aktiv	Sidan 1960-åra
Sjanger	Progressiv rock, Canterbury scene, jazzfusion, eksperimentell rock, psykedelisk rock
Instrument	bassgitar, vokal, gitar
Tilknytte artistar	Caravan, Camel, Hatfield and the North, Caravan of Dreams, The Wilde Flowers, Robert Wyatt, Soft Machine
Verka som	gitarist, komponist, låtskrivar, songar

Richard Stephen Sinclair (fødd 6. juni 1948) er ein engelsk progressiv rock-bassist, gitarist og vokalist som har vore medlem av fleire band innan Canterbury scene.

Sinclair spelte gitar (og stundom song) i The Wilde Flowers. I 1968 var han med å skipe Caravan, og byta då til bassgitar og delte solovokal i lag med Pye Hastings. Han skreiv brorparten av songane til det tredje albumet deira, In the Land of Grey and Pink. Sinclair slutta i Caravan i 1972 for å skipe Hatfield and the North med dei tidlegare Delivery-medlemmane Phil Miller og Pip Pyle. I 1974 deltok han på Rock Bottom, det andre soloalbumet til den tidlegare Soft Machine-trommisen Robert Wyatt.

Etter Hatfield vart oppløyst i 1975, flytta Sinclair attende til Canterbury, og heldt ein låg musikalsk profil, og spelte stundom under namnet Sinclair & The South. I 1977 gjekk han inn i Camel som den nye bassisten deira, der han vart verande for to studioalbum.

I 1980-åra spelte han meir sporadisk. I 1990-åra skipa han si eiga gruppe, Caravan of Dreams.

• Offisiell nettstad
• Richard Sinclair på Allmusic
• Biography at calyx-canterbury.fr