Volda

Volda
tettstad
Land	Noreg
Fylke	Møre og Romsdal
Kommune	Volda
Areal	3,78 km²
Folketal	7 033  (2023)
Folketettleik	1 861 / km²
Postnummer	6100 VOLDA
Innbyggjarnamn	volding
Preposisjon	i Volda
Volda 62°06′N 6°06′E / 62.1°N 6.1°E / 62.1; 6.1
Wikimedia Commons: Volda (village)

Volda er ein tettstad og administrasjonssenteret i Volda kommune i Møre og Romsdal fylke. Tettstaden ligg på nordaustsida av Voldsfjorden og har 7 033 innbyggjarar per 1. januar 2023.

Volda er eit lokalt skule-, administrasjons- og handelssentrum, med lærarutdanning frå 1861. Her ligg Høgskulen i Volda med avdelingar for lærarutdanning, humanistiske fag, samfunnsfag og mediefag, og Volda vidaregåande skule med varierte studieretningar.

I Volda ligg lokalsjukehuset Volda sjukehus og kontora for Søre Sunnmøre tingrett. Her står også Volda kyrkje, ei krosskyrkje frå 1932. Aust for tettstaden ligg Volda Skisenter. Avisa Møre kjem ut i Volda tre dagar i veka.

Frå Volda ferjekai i sentrum går det ferje over Voldsfjorden til Lauvstad på fylkesveg 652 og Folkestad på fylkesveg 651 (før 2012: E 39). På Hovden i Ørsta kommune, 5 kilometer frå Volda sentrum, ligg Ørsta/Volda lufthamn som er trafikkert av Widerøe.^[1]

• 
  Volda sentrum
• 
  Utsyn over Volda sentrum
• 
  Volda kyrkje
• 
  Ferje frå Volda til Folkestad
• 
  Distriktskontoret til Sunnmørsposten i Volda
• 
  Volda Elektriske Mylne
• 
  Garvarbuda

• Volda kommune