Waide

El waide (eute écrivure : wède) ch’est unne plante conmunne in Picardie pi in Urope qui servoét eutréfoés à foaire el couleur por ches hardes.

Cheus-lo qui tchultivoétte el waide (por nin estroaire el bleute poude qui servoét à tinde ches toéles) os les lonmoét ches waidiers obin wédiers.

Conme ech bleus ch’est, dins l’simbolike crétienne, el couleur ed ches cius, d’ech « Roéïaume ed ches Cius » dont Jésus-Crisse i parle dins ches Évangiles, ech bleu il o toudis ‘tè unne couleur granmint aperchièe pi dmandèe (èn sroét-‘ch eq por ches églises). Ch’est étou l’couleur qu’os use ech pus souvint por erprésinter l’Vierge Marie.

Conme el waide a permet d’porduire un bieu bleu avuc el poude ed ses rachinnes, ches régions qui porduiztte el waide is vont dvénir riches. Adon, el Picardie a dvient fin vivemint connute por ès waide, seurtout ech tchuin Anmien, pi l’réputacion a croét granmint dins ch’Roéïaume ed Franche au point douqu’os seurlonme el waide l’or bleu d’Amiens (« ech bleu dor d’Anmien »).

In 1260, Sant Louis i déclére qu’ech bleu-waide ch’est l’couleur Sante-Marie pi l’couleur d’ech Roéïaume Franche. Adon, l’utilisacion d’waide al esplose pi Anmien a dvient fin riche. Ch’est grache à ch’conmerche d’el waide qu’el catédrale Anmien al o pu ète construite. Ech Santère pi ch’poaiyis Anmiennoés is dvienntte ches deus régions dousqu’el waide al est l’mius réputèe dins toute l’Urope.

Avuc el Dgère d'Un Chint Ans, ch’conmerche ed waide i vo boaissier, ches Ingloés is étoétte des grands acateus d’waide, el dgère a vo ruinner ch’conmerche. Aprés cho, l’waide Anmien a vo ète réusèe in Franche dusqu’au XVII^e sièke, quant d’eutes plantes is vont rimplacher l’waide por foaire el bleute couleur.

Dins ch’wartier Sant-Leu à Anmien, os put toudis vir ches molins pi ches vius batimints dousqu’os foaisoét ches tindures alors. I resse innui seulemint qu’unne porduiseuse ed waide tradicionnèle, eslon ches anchiennés métodes éritèes d’ches waidiers d’eutréfoés^[1].

Tchulture & patrimoinne d'Anmiens
Istoére Samarobriva • Comtes d'Anmien • Comtè Anmiennoés • Dit d'Anmien • Waide • Siège Anmien (1597) • Prunmière Dgère Mondiale (Bataille d'el Sonme • Bataille d'Anmien (1918) • Opéracion Michael)
Monumints istorikes Catédrale Nou-Danme d'Anmien (Labirinte d'el catédrale • Ainge qui brait • Zodiake d'el catédrale) • Béfroé Anmien • Heutel ed ville • Palais d'justice • Heutel Bouctôt Vagniez • Heutel ed préfecture d'el Sonme • Logis d'ech Roé • Moaison d'echl'Atlante • Moaison d'ech Bailliache • Moaison d'ech Sagitoaire • Palais d'echl'évétchè • Tour Perret • Molin Passe-Avant • Molin Passe-Arière • Chitadèle d'Anmien • Église Sant-Leu • Moaison Jules Verne • Musèe d'echl'Heutel Berny • Musèe d'el Picardie • Chirke Jules Verne • Abaïe Sant-Acheul • Abaïe Sant-Jean-d'ches-Prémontrès (cloétre Dewailly) • Église Sant-Dgermain-chl'Écossoés • Église d'ech Sagrè-Tcheur • Église Sant-Honorè • Église Sant-Pière ed Montières • Église Sant-Rémi • Église Sante-Anne • Église Sante-Jeanne-d'Arc • Église Sante-Marie-Madlaingne • Couvint d'ches grisés Ma Seurs • Couvint d'ches Cordéliers • Couvint d'el Visitacion • Catieu Montières • Viule caserne Stengel
Patrimoinne nin-matériel, tradicions & évènmints Wartier Sant-Leu • Waide • Hortillonnaches Anmien • Batieu à cornet • Martchè su ieu • Ches Cabotans • Comédie de Picardie • Fète Sant-Leu • Fète-Diu • Pélrinnache Sant-Jean-Batisse • Fète Sant-Jean • Foére d'el Sant-Jean • Grande rédrie • Rindez-vous d'el bande à dessin Anmien
Tchuisinne Andouillète anmiennoése • Beignet d'Anmien • Fichèle picarte • Macaron d'Anmien • Patè d'cannard d'Anmien • Tuile d'Anmien