Gdov

Gdov
Гдов
	Lidnanznam;
Valdkund	Venäma
Eläjiden lugu (2020)	3,257 ristitud
Pind	5 km²
Pämez'	Vera Kabanova; (kül'mku 2015—)
Telefonkod	+7−81 131-xx-xxx
Avtokod	60
Aigvö	UTC+3 (MSK+0)

Gdov (ven.: Гдов, est.: Oudova) om Venäman lidn Pskovan agjan lodehes. Se om Gdovan rajonan administrativine keskuz.

Istorii

Eländpunkt mainitase ezmäižen kerdan Pskovan ezmäižes aigkirjas vl 1322. Saudihe kivišt lidnust vl 1431. Lidnuz kadoti kaičendznamoičendad Pohjoižen sodan jäl'ghe (1700−1721), sirtihe valdkundröunad päivlaskmha. Lidnusen koume seinäd nelläspäi oma kaičenus paloin.

Žilo oli Piterin (Ingrijan) gubernijan makundan keskuseks vspäi 1708. Gdov sai lidnan oficiališt statusad vl 1780. Vozil 1941 (19. heinku) — 1944 (4. uhoku) lidn oli okkupuruidud nacistižen Germanijan sodavägil.

Gdov šingotase valdkundaližil holitišil i sömtegimištol: kalanümbriradai tegim, maidtegim, paštatesen edheotand, veden pakuitez.

Geografijan andmused

Lidn sijadase valdkundröunanno, Peipusjärven päivnouzmaižel randpolel, ühtes kilometras randaspäi, 40 m ü.m.t. keskmäižel korktusel. Matkad Pskovhasai om 105 km suvhe orhal vai 115 km avtotedme. Kävutamatoi Gdov-raudtestancii om olmas lidnan pohjoižpäivnouzmas, raudte tuleb lähembaižes Slanci-lidnaspäi (Leningradan agj, 45 km) i se om konservacijas.

Klimat om ven meren, kontinentaližen pirdoidenke. Voden keskmäine lämuz om +5,6 C°, kezakun-elokun +15..+18 C°, tal'vkun-uhokun −4..−6 C°. Paneb sadegid 645 mm vodes, enamba kezakus-elokus (74..89 mm kus), vähemba uhokus-sulakus (28..33 mm kus).

Kaik 61 külä da üks' futor mülüdas lidnankundha Gdovan ližaks. Lidnankundan pind om 329,83 nellikkilometrad.

Eläjad

Vn 2010 Venäman rahvahanlugemižen mödhe lidnan eläjiden lugu oli 4 421 ristitud (rajonan ristitišton koumandez), lidnankundan — 6263 ristitud. Kaikiš suremb lidnan ristitišt oli kuz' tuhad eläjid vl 1989. Vl 2017 kaik 3 542 ristitud elihe lidnas i 5 484 ristitud kaikes lidnankundas.

Ortodoksižen hristanuskondan Pühän Jumalanmaman «Tatanmaine»-jumalaižen päjumalanpert'^[1] om saudud lidnas vll 1989−1993. Kuz' jumalanpertid ei ole kaičenus, ned oliba pandud mantazole vll 1933−1959 kommunistižen tobmuden, Suren sodan i lämoipalon tagut.

Professionaližen opendusen aluzkundad ratas lähembaižiš lidnoiš.

Galerei

Gdovan rajonan käskuzkundan sauvuz (2021)
Pühän Jumalanmaman «Tatanmaine»-jumalaižen päjumalanpert', vn 2018 nägu
Lidnan universaline lauk vl 2021
Kul'turkeskuz (2021)
Gdovan agjan istorijan muzei vl 2021

Homaičendad

↑ Gdovan pühäpertid sobory.ru-saital. (ven.)

Irdkosketused

Lidnankundan lehtpoled Gdovan rajonan tobmuden aluzkundoiden saital (gdov.reg60.ru). (ven.)

Gdov Vikiaitas

	Pskovan agjan lidnad
	Dno \| Gdov \| Nevel' \| Novoržev \| Novosokol'niki \| Opočk \| Ostrov \| Petseri \| Pitalovo \| Porhov \| Pskov \| Pustošk \| Sebež \| Velikije Luki

[1] Gdovan pühäpertid sobory.ru-saital. (ven.)

[1]