Honiar

Honiar
Honiara

Flag
Valdkund	Solomonan Sared
Eläjiden lugu (2021)	92,344 ristitud
Pind	22 km²
Telefonkod	+677-
Aigvö	UTC+11

Honiar (angl.: Honiara [ˌhoʊniˈɑːrə]) om Solomonan Sariden pälidn, kaikiš suremb lidn da meriport. Se om valdkundan Pälidnaine territorii, mugažo Guadalkanalan agjan administrativižeks keskuseks, ei mülü sihe.

Eländpunktan aluz om pandud Toižen mail'man sodan jäl'ghe 1940-nzil vozil kuti britanižen protektoratan pälidn saren lendimportanno. Honiar om tedištoittud pälidnaks vl 1952. Om ripmatoman valdkundan pälidnaks vn 1978 heinkuspäi.

Honiar šingotase pälidnan funkcijoil, turizmal, valdkundan transportsol'meks i üläopendusen keskuseks.

Lidn sijadase valdkundan keskuzpalas, Guadalkanal-saren lodehližel randal, 29 m ü.m.t. keskmäižel korktusel. Manatikau-jogi lankteb Solomonan merhe lidnan territorijal. Azjaline da kul'turine keskuz i meriport oma Point Kruzas, Vavaea-ümbrik.

Klimat om tropine vihmmecoiden. Voden keskmäine lämuz om +26,5 C°, kuidme +26,1..+26,8 C° vodes läbi. Ekstremumad oma +17,6 C° i +36,1 C°. Paneb sadegid 2177 mm vodes, enamba vilukus-keväz'kus (277..362 mm kus), vähemba kezakus-sügüz'kus (92..100 mm kus).

Honiar jagase 12 valičemižümbrikoks (angl.: ward).

Vl 2009 lidnan eläjiden lugu oli 64 609 ristitud. Kaikiš suremb ristitišt om nügüd'.

Eläjad oma melanezijalaižed i hristanuskojad päpaloin.

Point Kruz-meriport radab.

Rahvahidenkeskeine soda- da civiline Honiar-lendimport^[1] (HIR / AGGH) sijadase kahesas kilometras päivnouzmha pälidnaspäi. Tehtas reisid Valdmerimaiden erasihe pälidnoihe, Solomonan sariden äjihe eländpunktoihe, Brisbenha (Avstralii, sidä kesken jügureisid).

• Vanuatu Lüganvil', Vanuatu (vspäi 2013)

1. ↑ Rahvahidenkeskeine Honiar-lendimport flysolomons.com-saital. (angl.)

Honiar Vikiaitas