Magriyete
Li magriyete (on dit eto: pitite magrite, påcrete, frikete), c' est ene pitite fleur des tchamps, foirt corante.
Sincieus no d' l' indje : Bellis perennis
Li ptite mågrite nén del minme famile kel rinne-magrite.
Discrijhaedje
Elle est 5 a 15 cm hôte.
E l' Walonreye, ele kimince ddja a flori e moes d' avri, mins ki pout eto flori tote li såjhon.
Elle a des blankès fleurs, avou ene miete di rodje al copete des petales. Del nute, li fleur si reclôt so leye-minme, et si rdrovi l' åmatén.
Elle edeure bén l' froed.
Sôres
Ene sôre di ptite magrite a stî relîte po siervi d' fleur di corti, li crissôte.
Uzaedje come yebe ås maladeyes
Come yebe ås maladeyes, on ndè pout fé on té po ctchessî les viyès tosses.
Les fleurs et les foyes sipotcheyes polèt esse metowes come eplåsses dins les coixheures nén drovowes.
Li magriyete dins les fåves do vî vî tins
- Ene fåve do vî vî tins vout kel magriyete e stî tote blanke, å cmince. On djoû, li ptit Djezus si pica l' doet, ey ene gote di s' sonk touma sol fleur ki, dispu don, divna ene miete rôzlante.
- Dins l' lingaedje des fleurs, ele riprezinte li purté eyet l' tinrûlisté k' on s' vout po n' on l' ôte. On displouctêye li magriyete po vey si on voet voltî on galant. Ele riprezinte eto li florete d' ene båshele.
