County Armagh
| Armagh | |||
| Ard Mhacha | |||
| county | |||
 | |||
|
|||
| Land |  Storbritannia
| ||
|---|---|---|---|
| Provins | Ulster | ||
| Del av | Nord-Irland | ||
| Hovudstad | Armagh | ||
| Areal | 1 254 km² | ||
| Folketal | 174 792 (2011) | ||
 County Armagh 54°21′00″N 6°39′17″W / 54.3499°N 6.6546°W | |||
 Kart som viser County Armagh.
| |||
| Wikimedia Commons: County Armagh | |||
County Armagh (irsk Contae Ard Mhacha eller berre Ard Mhacha)[1] er eit av seks grevskap i Nord-Irland nordaust på Irland i provinsen Ulster. Grevskapet vert kalla «Irland sin frukthage» på grunn av den fruktbare jorda. Tradisjonelt administrasjonssete i grevskapet er Armagh.
County Armagh grensar til Down i aust og Tyrone i nord. I vest ligg Monaghan og i sør Louth, begge i Republikken Irland. Armagh grensar òg til Lough Neagh i nord.
Den sørlege delen av Armagh har sidan 1970-åra vore eit av dei mest militariserte områda i Vest-Europa. Årsaka til dette er at det i folkesetnaden er ein stor majoritet av nasjonalistar, slik at det har vore lett for væpna grupper å operere der. Denne delen av grevskapet har i pressen ofte vorte omtalt som Bandit country (Bandittlandet).
Etter reforma av lokalstyret i Nord-Irland har ikkje lenger grevskapet noko administrativ funksjon, og er erstatta av distrikt.
Byar og landsbyar
- Armagh
- Craigavon
- Crossmaglen
- Lurgan
- Portadown
- Tandragee
Kjelder
- ↑ «Ard Mhacha». Placenames Database of Ireland – logainm.ie. Henta 28. november 2024.
- Denne artikkelen bygger på «County Armagh» frå Wikipedia på engelsk, den 25. oktober 2007.
