In My Arms

«In My Arms» er ein song av den australske songaren Kylie Minogue frå det tiande studioalbumet hennar, X (2007). Songen vart skriven av Minogue, Calvin Harris, Richard Stannard, Paul Harris og Julian Peake.

Songen vart utgjeven som den andre singlen til albumet i Europa i februar 2008, og den tredje singlen i Storbritannia og Australia i mai 2008. I Belgia nådde singelen 33. plassen på Ultratop den 3. februar 2008 i Flandern, og fjortande plassen veka etter. «In My Arms» nådde åttandeplass i Hellas og Tyskland og tiandeplassen i Frankrike, der han vart den største hitten til Minogue sidan «Can't Get You Out of My Head». Singelen nådde Topp 5 i Tsjekkia og Tyrkia, Topp 10 i Slovakia og Sveits, og Topp 20 i Austerrike, Irland, Nederland og Sverige. Singelen nådde 69. plassen på UK Singles Chart, og nådde tiande plassen tre veker seinare. I Australia nådde songen 35. plassen og låg berre to veker på Topp 50.

Videoen vart filma i Los Angeles i California, saman med videoen til «Wow». Det finst fem sekvensar. I den første har Minogue kledd i ei raud og kvit drakt med futuristiske solbriller. I den andre syng Minogue i ein mikrofon i eit blått studio. Den tredje scena er med ein tropp dansarar, og i den fjerde scena har Minogue i ein gul kjole og dansar i ein rosa boks. I den siste scena dansar Minogue framfor ei stor vifte i ein Dolce & Gabbana-kjole.

Europeisk CD

1. «In My Arms» – 3:32
2. «Cherry Bomb» – 4:16

Europeisk CD maxi

1. «In My Arms» – 3:32
2. «Do It Again» – 3:23
3. «Carried Away» – 3:15

Britisk CD 1

1. «In My Arms» – 3:32
2. «Can't Get You Out of My Head» (Greg Kurstin Mix) – 4:04

Britisk CD 2

1. «In My Arms» – 3:32
2. «In My Arms» (Death Metal Disco Scene Mix) – 5:43
3. «In My Arms» (Sebastien Leger Mix) – 7:05
4. «In My Arms» (Video)

Australsk CD

1. «In My Arms» – 3:32
2. «In My Arms» (Death Metal Disco Scene Mix) – 5:43
3. «In My Arms» (Sebastien Leger Mix) – 7:05
4. «Can't Get You Out of My Head» (Greg Kurstin Mix) – 4:04

• Denne artikkelen bygger på «In My Arms (Kylie Minogue song)» frå Wikipedia på engelsk og «In My Arms» frå Wikipedia på bokmål, den 11. desember 2010.

• Songteksten på MetroLyrics Arkivert 2018-07-01 ved Wayback Machine.